आज मिति २०७५/०३/२६ गते यस आदर्श कोतवाल गाउँपालिका अन्तर्गत रहेका एकमात्र उच्च माध्यमिक विधालय श्री रामचरित्र उच्च मा. वि. मा अध्ययनरत कक्षा ९ का क्षात्राहरुलाई यस गाउँपालिकाको सहयोगद्वारा एक - एक थान साईकल वितरण गरियो | उक्त साईकल वितरण कार्यक्रममा माननीय गाउँपालिका अध्यक्ष म. मुस्तुफा अंसारी ज्यू, उपाध्यक्ष श्री पुनम देवी साह ज्यू, प्रमुख प्रशासकीय अधिकृत श्री सूर्य प्रसाद आचार्य ज्यू, सूचना अधिकारी (पूर्व नि. प्रमुख प्रशासकीय अधिकृत) श्री महेन्द्र प्रसाद कुशवाहा ज्यू, वडा अध्यक्ष ज्यूहरु, श्री रामचरित्र उच्च मा.वि. व्यवस्थापन समितिका सदस्यहरु, अन्य शिक्षा प्रेमी सरहरू, संचारकर्मी साथीहरु, अभिभावक ज्यूहरु तथा क्षात्र-क्षात्राहरुका उपस्थिति रहेका थिए |

यस साईकल वितरण कार्यक्रममा कक्षा ९ का १०१ जना क्षात्राहरुलाई एक - एक थान गरि जम्मा १०१ थान लेडीज साईकल वितरण गरियो | यो कार्यक्रम खासगरी महिला विधार्थीहरु (क्षात्राहरु) लगायत अभिभावकहरुलाई प्रोत्साहन गर्न तथा शिक्षा क्षेत्रमा महिलाको भूमिकालाई ध्यानाकर्षण गर्न संचालन गरिएको छ | यो कार्यक्रमले गर्दा टाढाबाट पढ्न आउने क्षात्राहरुलाई सहुलियत हुनेछ साथै पढाईमा पनि जागरुकता हुनेछ भन्ने विशवास गरेका छौ |