बारा जिल्ला आदर्श कोतवाल गाउँपालिकाको सहयोगमा आदर्श युवा क्रिकेट क्लब, चिउँटाहा, बाराद्वारा आयोजित मिडिया पार्टनर रेडियो बादलद्वारा प्रसारित "प्रथम मेयर कप – २०७५ Nock-Out T20 क्रिकेट प्रतियोगिता" अषाढ १६ गते देखि शुरु भएका थिए । यस प्रथम मेयर कपको फाईनल खेल हिजो २०७५/०४/०७ गते सम्पन्न भयो । उक्त खेलको फाईनलमा सिम्रौनगढ़ न.पा. का देवापुर टेटाको टीम र कचोर्वाको टीम पुगेका थिए । यस प्रथम मेयर कप – २०७५ Nock-Out T20 क्रिकेट प्रतियोगितामा कचोर्वाको टीम विजयी भयो ।  

प्रथम मेयर कप २०७५ को विजयी टीमलाई गाउँपालिका अध्यक्ष श्री मुस्तुफा अंसारी ज्यू र उपाध्यक्ष श्री पुनम देवी साह ज्यूले बधाई दिदै खेलाडीहरुलाई प्रमाणपत्र तथा कप वितरण गर्नुभयो । खेलाडीहरुलाई प्रोत्साहित गर्न र खेलप्रति ध्यानाकर्षण गराउन यस्ता गाउँपालिका स्तरीय / जिल्ला स्तरीय क्रिकेट तथा फूटबल प्रतियोगिता निरन्तर रुपमा आगामी दिनहरुमा यस आदर्श कोतवाल गाउँपालिकाले संचालन गर्नेछन भन्ने प्रतिवद्धता हाम्रो माननीय अध्यक्ष श्री मुस्तुफा अंसारी ज्यूले जनाउनु भयो ।