मिति २०७५/०९/१६ तद्अनुसार 31 Dec, 2018 गते सोमवारका दिन बेल्जियम रेड्क्रसको सहयोग तथा नेपाल रेड्क्रस सोसाइटी, बारा जिल्ला शाखाको सहजिकरनमा आदर्श कोतवाल गाउँपालिका वडा नं. - ४ लाई खुला दिशा मुक्त घोषणा गरिएको छ । आदर्श कोतवाल गाउँपालिका अध्यक्ष मुस्तुफा अंसारीको प्रमुख अतिथिमा वडा नम्बर ४ खुला दिशा मुक्त घोषणा भएको छ ।
आदर्श कोतवाल गाउँपालिका वडा नं. ४ का वडा अध्यक्ष शेख जवाहिरको सभापतित्वमा सो कार्यक्रम सम्पन्न भएको छ । कार्यक्रममा बोल्दै प्रमुख अतिथि मुस्तुफा अंसारीले खुला दिशा मुक्त घोषणा गर्न सहयोय पुर्याएका सबै जनप्रतिनीधि, संघ संस्था र यस अभियानमा प्रत्यक्ष अप्रत्यक्ष रुपमा सहयोग पुर्याउने सम्पुर्ण पात्रहरुलाई धन्यबाद दिदै छिटै नै बाँकी अन्य वडाहरु पनि खुला दिशा मुक्त क्षेत्र घोषणा हुने जानकारी दिएका छन् । कार्यक्रममा गाउँपालिका उपाध्यक्ष पूनम देवी साह, प्रशाशकीय प्रमुख सूर्य प्रसाद आचार्य, वडा नम्बर २ का वडा अध्यक्ष बिनोद पटेल, ५ का वडा अध्यक्ष चंदेश्वर गिरी, ३ का वडा अध्यक्ष धर्मेंद्र यादव, नेपाल रेडक्रस सोसाइटी बारा जिल्ला शाखा अधिकृत उदय नेपाल, कृष्णंदन गिरी, हिरा सिंह, इलाका शसस्त्र प्रहरी बल सिम्रौनगढ़ प्रमुख, इलाका प्रहरी कार्यालय महेंद्र आदर्श प्रमुख, रेडियो बादलका प्रबंध निर्देशक नूर आलम बादशाह, युवा नेता रमाकांत शाह, रूपेंद्र बिकल, लाल बहादुर साह, ओडीएफका दौलत मंसूर, किरण यादव, लगायत स्थानियहरुको बाक्लो उपस्थिति रहेको थियो। श्री नेराप्रावी कोइलिडीहमा संपन्न घोषणा सभाको संचालन स्थानीय युवा नेता राकेश कुमार यादवले गरेका थिए।